Peb yog Cov Neeg Pab Neeg. ​

Peb Pab Li Cas ​

Couleecap yog ib lub koom haum pab cov neeg uas xav tau kev pab txog vaj tse, khoom noj, tsheb thauj mus los, thiab ntau yam ntxiv. Los ntawm peb txoj kev pab tsoo txoj kev txom nyem, txhawb kom yus pab tau yus tus kheej, pab tsim kho txoj kev siv nyiaj mus los, thiab kev ncaj ncees rau tib neeg. Peb tos txais txhua tus neeg los rau ntawm Couleecap. Peb tsis muaj kev cais tshwj thiab tag nrho cov kev pab yuav tsis pub leej twg paub. Couleecap cov neeg ua hauj lwm yuav mloog seb xav tau kev pab dab tsi thiab cov hom phiaj ntawm cov neeg peb pab yog dab tsi thiab peb pab kom lawv mus cuag lawv cov hom phiaj.

Kuv puas tsim nyog?

Peb cov kev pab cuam yog tsim los pab cov tsev neeg uas tau nyiaj tsawg thiab cov tib neeg kom lawv pab tau lawv tus kheej hais txog nyiaj txiag. Txhua txoj kev pab nyias muaj nyias ib co qauv hais txog kev tsim nyog thiab Couleecap cov neeg ua hauj lwm yuav pab nrhiav kom tau cov kev pab cuam zoo tshaj uas yuav pab tau qhov koj xav tau, raws theem nyiaj tau, thiab lwm yam.

Muaj cov kev pab txhais ntawv.

​Couleecap Daim Ntawv Thov Thoob Ntiaj Teb  

Rau cov kev pab uas muaj rau kev xauj tsev ob peb yig nyob los ntawm Couleecap thov mus xyuas ntawm: https://www.couleecap.org/rentalunits.html.

---

Peb Pab Tau Li Cas - Couleecap Cov Kev Pab Cuam thiab Cov Kev Pab ​

Kev Pab Rau Cov Tsis Muaj Tsev Nyob 
Muaj kev pab rau cov tib neeg los sis cov tsev neeg uas tam sim no tsis muaj tsev nyob. 

Tiv Thaiv Txoj Kev Tsis Muaj Tsev Nyob 
Muaj cov ntawv mus xauj tsev so pw (motel), pab nyiaj cas, thiab pab them thawj lub hlis nqi tsev xauj hauv cov nras Crawford, Monroe, thiab Vernon.

Yuav Tsev 
Pab cov neeg xav yuav tsev npaj los yuav tsev. Muaj kev pab rau qhov nyiaj tso (down payment) thiab tus nqi kaw rau cov neeg yuav tsev uas tau nyiaj tsim nyog. 

Khoom Noj thiab Khaub Ncaws Hnav ​
​Muab khoom noj rau cov neeg uas xav tau kev pab thaum muaj xwm ceev. Cov khw muag khoom qub hauv Prairie du Chien cia cov tib neeg yuav cov khoom pub dawb uas zoo thiab pheej yig.

Yuav Tsheb los sis Kho Tsheb 
Muaj kev pab txais nyiaj uas tsis tsub paj rau cov tsev neeg uas xav tau tsheb mus ua hauj lwm.

Kho Vaj Tse 
Pab ua kom lub tsev nyab xeeb, huv si, thiab siv tau rau cov tswv tsev uas nyob hauv cheeb tsam. ​

Pab Nyiaj rau Cov Tub Ntxhais Kawm Ntawv Uas Ua Hauj Lwm
Pab cov neeg laus kom txawj ua tej yam dej num uas tim tsum kom thiaj li mus nrhiav tau cov hauj lwm uas them nyiaj ntau zog.

Pib los sis Nthuav Ib Lub Lag Luam Mus Kom Loj 
Muab kev pab txog tej yam nyuaj rau cov neeg ua lag luam thiab cov lag luam. 

Thaiv Vaj Tse Kom Tsis Txhob Dim Pa thiab Kho Lub Tshuab Cua Sov ​​
​Pab txhim kho kom txuag tau tej hluav taws xob thiab roj uas siv ua hauj lwm ntawm cov tswv tsev thiab cov neeg xauj tsev. Yuav ua cov dej num no pub dawb rau cov tsev neeg uas tsim nyog.